المساعد الشخصي الرقمي

مشاهدة النسخة كاملة : طريقة سن السكين لنحر الاضحيه


راكان اليامي
11/15/2010, 05:31 PM
السلام عليكم اخواني
انا حبيت اشارك اليوم بموضوع مهم للكشاته خاصة اهل الذبح والسلخ وكثير من الكشاته يجهلون فيه وهو موضوع سن السكاكين اكثر الناس تلوم نوعية السكين وبعضها تلوم المسن وبعضهم يلوم قلة خبرته
انا استغرب ان فيه ناس ماتعرف الطريقة الصحيحية للسن والطريقة سهلة جدا وراح اشرحها اليوم لكم بس يبيلها ممارسة يعني مرة وحدة مهي كافيه لازم تمارسها كذا مرة
1_اهم شي اختار نوعية السكاكين المضبوطة ومش لازم تكون غالية وانا اختار وارشح النوع الياباني هذا وتراه رخيص حوالي عشرة ريال وفي منه صيني وهم جيد ولاحظ سميكة ومش رهيفة وماتنثني واكثر القصابين يستخدمونه والساطور هذا ياباني بس المسن واهو اهم نقطة صناعة سويدية ومن النوع الستانلس ستيل المدعوم بالفولاذ وقيمته حوالي 100 ريال وماتلقاه عند محلات الاواني بتلقاه عند شركات تجهيز المجازر والمطاعم

http://www.mekshat.com/pix/upload02/images60/mk63246_1111.jpg


لازم تكون معاك سكينين وحدة ذات رأس وسط لعملية الذبح او النحر
والاخري ذات رأس صغير لعملية السلخ لان الراس الصغير سهل التحكم فيه اثناء الدحس
ومايضايقك ويسهل العمل عليك ولاحظ اكثر القصابين سكاكينهم قصيرة جدا

http://www.mekshat.com/pix/upload02/images60/mk63246_-2.jpg


لاحظ كيف راسها صغير

http://www.mekshat.com/pix/upload02/images60/mk63246_3.jpg


2- جب لك مسن حجر وخله علي الجنب الناعم طبعا مانستخدم الحجر بشكل يومي مثل المسن الفولاذ من فترة لفترة يعني نعمل للسكين سيرفس كل شهر مرة وواجد
الحجر مهمته يسهل عمل المسن يخلي المسن الفولاذ يمشي بسهوله علي السكين وينعم جوانب السكين ويخليها ملساء ويقلل السماكة
هذا الحجر

http://www.mekshat.com/pix/upload02/images60/mk63246_4-.jpg


ابدأ بعملية التنعيم علي الحجر وحط زيت شوي والله يعينك يبيلك ربع ساعة علي كل جنب
http://www.mekshat.com/pix/upload02/images60/mk63246_5-.jpg


لاحظ مكان التنعيم علي السكين
http://www.mekshat.com/pix/upload02/images60/mk63246_---.jpg





الحين تبدأ اهم مرحلة واهي المسن الفولاذ لاحظ الوضعية الصحيحة لمسك السكين والمسن ودرجة ميل السكين علي المسن وهذا اهم شي

http://www.mekshat.com/pix/upload02/images60/mk63246_7.jpg



شوف زاوية الميل كم درجة
http://www.mekshat.com/pix/upload02/images60/mk63246_9.jpg



اهم شي علشان ماتجرح السكين يدك انتبه انتبه دايما تصير لي حتي وانا محترف فيها خاصة لما تكون متحمس
http://www.mekshat.com/pix/upload02/images60/mk63246_8-.jpg




تابع الحركة وهذا اهم شي اذا ماضبطتها راح تصير السكين مثل المسن ماتقطع ولاتضغط بقوة جدا اضغط باعتدال
http://www.mekshat.com/pix/upload02/images60/mk63246_10.jpg



اللي استيعابه بطيئ مرة ثانية ابدأ كذا
http://www.mekshat.com/pix/upload02/images60/mk63246_11.jpg



شف نهاية حركة السكين مع الاستدارة كررها من خمس لعشر مرات ولما تحس السكين تحتك بصعوبة خفيفة تراها بدأت تنسن وقف ورح للجهة الثانية
http://www.mekshat.com/pix/upload02/images60/mk63246_12.jpg



وهاذي من الجهة الثانية بس انتبه لاتطول حركة وحدة او ثنتين كافية اذا زدتها راح ترجع تسن الجهة الاولي من جديد لان السن لما يكون حاد من جهة وسنيت الجهة الثانية زيادة راح يبرد سن السكين
حركة وحدة كافبة لانها راح تخلي السن مثل الموس من اول شي وان زدتها بردت السن
http://www.mekshat.com/pix/upload02/images60/mk63246_13.jpg


ومثل ماقلت لكم الشغلة يبيلها ممارسة واكيد في ناس راح تضبط معهم من اول مرة وفي ناس راح تضبط مرة ومرة ماتضبط نفسي قبل بس مع الوقت تصير فنان فيها وتصير مدمن تسن السكاكين حتي سكاكين المطبخ وكل ماتطلع مع شباب تمسك معك تسن لهم
بس لازم تمارسها كم مرة وانشالله بتضبط
اتمني اني افدتكم ولاتحرمونا من الاستفسارات عن انواع سكاكينكم لان في انواع ماتصلح بالمرة تكون قاسية جدا وتتعب

منقوووول

نجمة الملتقى
11/15/2010, 05:56 PM
يعطييك الف عاافيه ع التوضيح الواافي..
بإنتظاار جديدك القاادم..
تقبل تواجدي..

النايفه
11/15/2010, 11:24 PM
يعطيك ألف ألف عافيه على هالطرح الرائع والمفيد جدا في مثل هالوقت < أرحمينا ياللي بتذبحين

بس لو أنه صور مقطع فيديو أفضل واوضح

لا هنت أخوي راكان

أعذب التحايا

سعد مبارك
11/16/2010, 11:19 PM
شكرا" على النقل المميز

سالم إبن العوراء آل مخلص
01/02/2011, 04:42 PM
لا هنت عالنقل المميز